ಕುವೆಂಪು ಭಾಷಾ ಭಾರತಿ ಪ್ರಾಧಿಕಾರದವು ನಾಲ್ಕು ಹಿರಿಯ ಕುವೆಂಪು ಫೆಲೋಷಿಪ್ಪುಗಳನ್ನು ನೀಡಲು ಅರ್ಹ ಅಭ್ಯರ್ಥಿಗಳಿಂದ ಸೂಕ್ತ ಪ್ರಸ್ತಾವನೆಗಳನ್ನು ಆಹ್ವಾನಿಸುತ್ತಿದೆ. ಹಿರಿಯರ ಫೆಲೋಷಿಪ್ಪಿಗೆ ನಿಗದಿತ ವಯೋಮಿತಿ 36 ವರ್ಷ ಮೇಲ್ಪಟ್ಟು ಫೆಲೋಷಿಪ್ಪಿನ ಮೊತ್ತ ಮೂರು ಲಕ್ಷಗಳು ಫೆಲೋಷಿಪ್ಪಿನ ಅಧ್ಯಯನಾವಧಿ 10 ತಿಂಗಳು. ನಂತರ ಅಧ್ಯಯನ ವರದಿಯನ್ನು ಕುವೆಂಪು ಭಾಷಾ ಭಾರತಿ ಪ್ರಾಧಿಕಾರಕ್ಕೆ ಸಲ್ಲಿಸಬೇಕಾಗಿರುತ್ತದೆ.

ಆಸಕ್ತರು ಫೆಲೋಷಿಪ್ಪಿನ ನಿಯಮಗಳು ಮತ್ತು ಅರ್ಜಿನಮೂನೆಯನ್ನು ಪ್ರಾಧಿಕಾರದ ಅಂತರ್‌ಜಾಲತಾಣ www.kuvempubhashabharathi.orgದಿಂದ ದಿನಾಂಕ:01.12.2020 ರಿಂದ ಪಡೆಯಲು ತಿಳಿಸಿದೆ. ಪ್ರಾಧಿಕಾರದ ನಿಗದಿತ ಅರ್ಜಿ ನಮೂನೆಯನ್ನು ಭರ್ತಿ ಮಾಡಿ ಅಂಚೆ/ ಕೋರಿಯರ್ ಪ್ರಾಧಿಕಾರದ ಕಳುಹಿಸಿಕೊಡಲು ಕೋರಿದೆ.

ಅರ್ಜಿ ಸಲ್ಲಿಕೆಯ ಕೊನೆಯ ದಿನಾಂಕ:28.12.2020. ಅಪೂರ್ಣ ಅರ್ಜಿ ಹಾಗು ಕೊನೆಯ ದಿನಾಂಕದ ನಂತರ ಸಲ್ಲಿಕೆಯಾಗುವ ಮನವಿಗಳನ್ನು ಪರಿಗಣಿಸಲಾಗುವುದಿಲ್ಲ.

ಮೊದಲ ಹಂತದಲ್ಲಿ ಆಯ್ಕೆಯಾದ ಅಭ್ಯರ್ಥಿಗಳನ್ನು ಆನ್ ಲೈನ್ ಅಥವಾ ಮುಖತಃ ಸಂದರ್ಶನಕ್ಕೆ ಕರೆಯಲಾಗುವುದು. ಅಭ್ಯರ್ಥಿಗಳು ಸ್ವಂತ ವೆಚ್ಚದಲ್ಲಿ ಸಂದರ್ಶನಕ್ಕೆ ಹಾಜರಾಗುವುದು.  

ವಿಸೂ: ಅರ್ಜಿ ಸಲ್ಲಿಕೆಯ ಕೊನೆಯ ದಿನಾಂಕವನ್ನು 15-12-2020 ರಿಂದ 28-12-2020 ರ ವರೆಗೆ ವಿಸ್ತರಿಸಲಾಗಿದೆ. 

ಕುವೆಂಪು ಫೆಲೋಷಿಪ್ಪಿಗಾಗಿ ಅಧ್ಯಯನ ಮಾಡಬಹುದಾಗಿರುವ ವಲಯಗಳು:

1. ಕುವೆಂಪು ಅವರ ಬರಹಗಳನ್ನು ಕುರಿತ ಅಧ್ಯಯನಗಳು.
2. ಕುವೆಂಪು ಅವರ ಕೃತಿಗಳು ಮತ್ತು ಇತರೆ ಕನ್ನಡ ಭಾರತೀಯ ಇಲ್ಲವೇ ಬೇರೆ ದೇಶದ ಬರೆಹಗಾರರ ಕೃತಿಗಳ ತೌಲನಿಕ ಅಧ್ಯಯನ.
3. ಕುವೆಂಪು ಕೃತಿಗಳನ್ನು ಇತರ ಭಾಷೆಗಳಿಗೆ ಅನುವಾದಿಸುವ ಪ್ರಸ್ತಾವ.
4. ಕುವೆಂಪು ಅವರ ವೈಚಾರಿಕ ಆಸಕ್ತಿಯ ವಿಷಯಗಳನ್ನು ಕುರಿತ ಹೆಚ್ಚಿನ ಅಧ್ಯಯನ.